Calorie Calculator & Tracker

اہرام مصر میں کھدائی کے دوران 3 ہزار سال پرانا شہد برآمد

قاہرہ ( مانیٹرنگ ڈیسک ) اللہ تعالی نے قرآن حکیم میں شہد کو انسانوں کیلئے شفا قرار دیا ہے اور کہا گیاکہ یہ ہر بیماری کیلئے شفا ہے بس موت کو چھوڑ کر. شہد کے فوائد اور اس کی تاثیر کے بارے میں تو سبھی جانتے ہونگے اور اس کے ساتھ ساتھ یہ بھی سن رکھا ہو گاکہ یہ ایک طویل عرصے تک خراب نہیں ہوتا اور یہ کتنے عرصے تک خراب نہیں ہو تا ؟ یہ تحریر پڑھ کر آپ کو بخوبی اندازہ ہو جائے گا ۔تازہ ترین میڈیا رپورٹس کے مطابق اہرام مصرسے ملنے والے ہزاروں سال پرانے شہد کے معائنے سے انکشاف ہوا ہے کہ یہ قدرتی نعمت چند ماہ یا سال نہیں بلکہ ہزاروں سال تک قابل استعمال رہ سکتی ہے۔

میڈیا رپورٹس کے مطابق شہد سے بھرے برتن اہرام مصر میں تحقیقاتی کام کے لئے کی جانے والی کھدائی کے دوران ملے،جب ماہرین سے اس شہد کا معائنہ کروایا گیا تو معلوم ہوا کہ یہ تقریبا تین ہزار سال پرانا تھا اور کھانے کے لئے 100 فیصد موزوں تھا. سائنسدانوں کا کہنا ہے کہ شہد میں موجود ہائیڈروجن پرآکسائیڈ، تیزابیت اور پانی کا نہ ہونا اسے تقریبا ہمیشہ کے لئے محفوظ رکھنے کا سبب بن جاتا ہے. قدیم مصر میں شہد کو متعدد مقاصد کے لئے استعمال کیا جاتا تھا. اس دور کے لوگ نہ صرف اسے کھانے کے لئے استعمال کرتے تھے بلکہ اپنے دیوتاں کو بطور نذرانہ بھی پیش کرتے تھے اور لاشوں کو حنوط کرنے کے لئے بھی اس کا استعمال کیا جاتا تھا. یونیورسٹی آف برسٹل کی ایک تحقیق میں یہ حیرت انگیز انکشاف بھی کیا جاچکا ہے کہ انسان تقریبا 9ہزار سال سے شہد استعمال کرتا چلا آ رہا ہے. پتھر کے زمانے سے بھی ایسے شواہدملے ہیں جن سے معلوم ہوتا ہے کہ غاروں میں رہنے والے انسان بھی شہد استعمال کیا کرتے تھے۔

Comments

comments