Calorie Calculator & Tracker

چیف جسٹس سندھ ہائیکورٹ نے سیشن جج کو برطرف کردیا

کراچی(این این آئی)چیف جسٹس سندھ ہائیکورٹ نے سیشن جج اعجاز خاصخیلی کو ملازمت سے برطرف کردیا۔ بتایا گیا ہے کہ سیشن جج اعجاز خاصخیلی نے حیدر آباد میں ایک سرکاری بنگلہ اپنے لئے الاٹ کروایا تھا جبکہ ہائیکورٹ نے بھی ان کو گھر دے دیا تھا۔ سیشن جج نے بنگلے کی تزئین و آرائش کے لئے فنڈز جاری کرنے کے احکامات دئیے اور تاخیر پر کمشنر حیدر آباد کو توہین عدالت کا نوٹس جاری کردیا تھا۔ جس پر کمشنر حیدرآباد نے چیف جسٹس سندھ ہائیکورٹ کو معاملہ سے آگاہ کیا۔ رجسٹرار سندھ ہائیکورٹ کے مطابق سیشن جج اظہار وجوہ کے نوٹس پر مطمئن نہیں کرسکا لہذا برطرف کردیاگیا۔

Comments

comments